Noord van Moorreesburg, veral in die Koringberg-gebied, is die koring onder erge vogstremming en het dit begin ryp “brand”. Baie “wit are” het ook na die laaste reën verskyn.

In die Rooikaroo-gebied is ’n totale misoes die boere se voorland.

’n Redelik ernstige plaag van Bolwurms woed tussen Moorreesburg en Piketberg.

In die Swellendam-gebied kry koring nou baie swaar weens geen reën, maar verwag ’n goeie gemiddelde oes van 1.6 ton as daar nou ’n goeie reëntjie val. Blaarroes kom voor en op die kultivar SST 88 kom stamroes voor. Die stamroes kom erg voor op die kultivar SST 88 en die meeste boere moes 2 keer daarteen spuit. Witroes is baie skaars, maar dit is al opgemerk in sommige dele van die distrik. Bolwurms is nou ook ’n groot probleem. Die son het die graan op party plekke wit gebrand en dan is die aar nog binne groen. Baie boere is al aan die platsny.

Swellendam: Sien koring. Netvlek kom van vroeg reeds op gars voor, maar is darem onder beheer.

Swellendam: Sien koring. 

Swellendam: Canola ly ook onder vogstremming. Canola het verlede jaar ’n gemiddelde gehad van 1.24 per ton - verwag die jaar dieselfde gemiddeld, maar dan moet daar nou dringend reën val.

Valencias word nou ontvang. Die kwaliteit van die vrugte is goed en die seisoen word vinnig afgehandel teenoor verlede jaar en kan toegeskryf word aan die vinnige pluktempo.

Tafeldruif produsente het gedurende die laaste twee weke van September begin met voorkomende swambespuitings. Wingerd rybewerking het ook plaasgevind.

Noordweste: Die nuwe seisoen is in aanvang. Wingerde wat ge-dormax is kan duidelik gesien word dat die botpersentasie hoër is. Onkruid moet nou bespuit word sodat kompetisie vir water uitgeskakel kan word.

Noordweste: By aartappels is die blaarmyner besig om ernstige afmetings aan te neem. Die Amerikaanse sowel as die aartappelbladmyner.

Tamaties: Beoog om eers teen Oktober met nuwe aanplantings te begin . Die tonne wat vir vanjaar gekontrakteer is, is 27,000 teenoor verlede jaar se 32,000. Die verlaging word hoofsaaklik toegeskryf aan die sterker Rand.

Kleinboere plant nou op klein skaal aan, vervoer en insetkoste is baie hoog.

Groentesaad: Dit lyk steeds of daar goeie oeste in die Klein Karoo behaal gaan word.

Noordweste: Toestande het verbeter, maar is nog nie normaal nie. In die Kliprand- en Bitterfontein/Nuwerus-omgewings het redelike goeie neerslae voorgekom en die veld lyk nie sleg nie. In groot dele in die res van die streek, bv. Biedouw-vallei, is toestande nog uiters kritiek en is reën dringend nodig om voldoende veld te verseker.

Swellendam: Groei stadig weens droogte.

Beaufort-Weskantoor: Weiveld is rampdroog in Murraysburg-distrik waar reën dringend nodig is. Beaufort-Wes se boere sê dat hulle vroeg in die somer moet reën kry anders het hulle ook probleme.

Swellendam: Goed. Kikoejoe is volop. Skoon raaigras en klawers is ook goed gevestig.

Beaufort-Weskantoor: Die kondisie van die vee is op die meeste plekke swak tot baie swak.

Kondisie van vleisbeeste is ook goed. Wat betref voedingstoestande in Swellendam, boere begin ekstra voer.

Vleisbeeste: Die kondisie het goed gelyk deur die distrik en daar was genoeg kos, alhoewel besproeiingsdamme meestal nog nie vol was nie. Min siektes was aangemeld.

In die Koo- en Hexvallei is stoordamme leeg of half vol. Norwaalweg word vars en hoë kwaliteit winterwater vanuit die bergstrome en rivier in hierdie damme gestoor vir besproeiingsdoeleindes.

Om hierdie gestoorde water aan te vul ná die huidige swak winter vind abnormale hoë ontginning van boorgatwater in hierdie valleie plaas.
Hierdie boorgatwater word dieper as normaal ontgin en teen geweldige groter volumes onttrek as normaalweg. Hierdie waterbron is in die verlede aanvullend tot die winterwater gebruik en tans moet dit die tekorte aan die winterwater aanvul waarna voortdurende ontginning as aanvulling tot die winterwater sal moet plaasvind.

Die hoogliggende Touwsrivier en Ceres-area toon reeds astronomiese daling in die watervlak en heelwat boorgate, fonteine en bergstrome droog nou in Septembermaand op. In hierdie areas was die waterkwaliteit uiters swak reeds voor die aanvang van die seisoen.

Ondanks die feit dat die droogte in groot dele van die wyk voortduur, is wolpryse uiters swak en die geneigdheid van die vleisprys is ook tans afwaarts.

Beaufort-Weskantoor: Weidingsnoodsituasie in die Murraysburg-distrik, Laer en Hoër Buffelsrivier-gebiede en ’n gedeelte van die Sneeuberg-gebied.

Murraysburg: Boere is baie bekommerd oor die droogte en die feit dat daar op dié stadium nie droogtehulp is nie.

Groot veeverliese het voorgekom met die reën van 25 en 26 September.

Beaufort-Wes: Daar was nie soveel reën soos in Murraysburg nie en verder oos en dit begin nou oral baie droog word.