home about contact us news
Inligtingstukke   |   Elsenburg infopaks   |   Diere, voeding: 4

Bies kolostrum Engels | Xhosa

Bies is melk wat in ’n koei se uier gevorm word net voor sy kalf, en ten doel het om die kalf gesond te hou en te help groei. Mense drink normaalweg nie biesmelk nie, alhoewel dit ryk is en baie gesond.

Indien die koei met ’n siekte in aanraking kom, vorm teenliggaampies in haar bloed om haar teen die siekte te beskerm. Voor geboorte konsentreer die verskillende teenliggame in die uier as bies wat die kalf vir die eerste ses maande beskerming teen die siektes bied.

’n Kalf wat nie genoeg bies inkry nie, kan vroeg doodgaan en daarom is die volgende baie belangrik:

  • ’n Kalf kan net teenliggame binne die eerste 12 uur van sy lewe inneem en moet dus so gou moontlik en so veel moontlik aan die ma drink.
  • Moet nooit ’n koei melk voor die kalf nie goed gedrink het nie.
  • Verleen hulp waar nodig, indien die koei of kalf baie swak is. Dit is noodsaaklik dat die kalf genoeg bies inkry.
  • Indien alles goed verloop, moet nie inmeng nie. ’n Senuagtige koei sal nie sak nie en die kalf kan te min bies inkry.
  • Bies word vir 3 - 5 dae na geboorte afgeskei en behalwe die teenliggame bevat dit voedingstowwe wat nie in gewone melk voorkom nie, asook ’n groei-faktor wat die kalf stimuleer om te groei en sterk te word. Moet dus nie die koei vir eie gebruik melk alvorens minstens drie dae verloop het nie.

AO de Kock
ELSENBURG / VREDENDAL veeartsenydienste