| Information sheets | | | Elsenburg infopaks | | | Izilwanyana, izifo: 8 |
Isifo esibizwa ngokuba yinewcastle disease
Afrikaans | English
 Click to enlarge! |
Kwihlabathi liphela esi sifo kuthiwa yiNewcastle Disease sesinye sezifo ezinobungozi kakhulu. Sihlasela ngakumbi emantshontshweni eenkuku, nakubeni nezinye iintlobo zeentaka zikwahlaselwa nazo sesi sifo, iintaka ezifana neentaka ezisezikheyijini emakhayeni, iintaka zasendle kwakunye neenciniba. Esi sifo asitshabalalisi nje kuphela , koko negama lelizwe singalingcolisa ngakwicala lorhwebelwano namanye amazwe ngokuwathumela inyama yenkuku neyenciniba kwakunye neemveliso ezihamba nazo. |
 Click to enlarge! |
Esi sifo sibangwa yintsholongwane, into ke leyo esenza singanyangeki lula. Eyona ndlela yokusilwa kukusigonyela kwanokusilawula ngobunono xa sele sithe savela.
Izinto eziphuma ezinkukwini ezisulelekileyo, izinto ezifana nezikhohlela, igazi namaqanda, kwakunye neetuwa zazo, nenyama yazo, zizinto ezinokuyidlulisela le ntsholongwane ekutyeni, emanzini, ezimpahleni okanye ezihlangwini, kwizinto zokusebenza, kwiikheyiji zeentaka, kanti nalapha phandle nje, kuze ke kuthi njalo kusuleleke nezinye iintaka. |
 Click to enlarge! |
Iintaka ezigula sesi sifo zibonakalisa ukungakwazi ukuphefumla kakuhle zibe nawo namehlo alilayo |
 Click to enlarge! |
zivuze neempumlo, kube lapha nokutsheka neempawu zokungaphili kwemithambo yoluvo, |
 Click to enlarge! |
izinto ezifana nokujijeka kwentamo, ukujikeleza nokuf' amacala. |
 Click to enlarge! |
Into elandelayo iba kukufa kwiiyurana okanye iintsukwana nje ezimbalwa. Xa sele sihlasele ngamandla siyakwazi ukuba siwutshabalalise uphele uthi tu umhlambi weentaka wonke.
Zimbini iindlela zokusithibaza esi sifo: kukugonya, ngakumbi amantshontsho, kunye nokuhlaba umkhosi kwabasemagunyeni xa kukrokrelwa ukuba kukho ukuqhambuka kwesi sifo. |
 Click to enlarge! |
Ukugonya
Amantshontsho asenosuku olunye ezelwe anokugonywa ngogonyo lukamathontsi wamehlo ongenabungozi okanye ngamanzi la okusela. Kambe ke aweenciniba wona amantshontsho kufuneka angagonywa engekayigqibi inyanga ubudala. Undlela-lula wogonyo lweenkuku usenokuqhutywa ngolu hlobo lulandelayo Makagonywe xa enosuku olunye ezelwe amantshontsho, aphindwe ngosuku lwesixhenxe, nangolweshumi elinesibhozo nangolwamashumi amathathu ananye, kuze ke emva koko iinkuku ezibekayo zigonywe qho emva kweenyanga ezintandathu. Iinciniba Makagonywe xa eneeveki ezintathu ukuya kwezintandathu, aphindwe kweyeshumi elinesibini, ngokunjalo nakweyamashumi amabini anesine, kuze ke kuthi emva koko zigonywe kanye ngonyaka. |
 Click to enlarge! |
Ezinye iindlela zokuthintela
Isifo seNewcastle sisifo esithintelwayo phantsi kwemiqathango yoMthetho oyiAnimal Diseases Act ka-1984 (uMthetho 35 ka-1984) mthetho lowo uthi luxanduva lomntu ngamnye ukuba aye kwazisa ugqirha wezilwanyana okufutshane kuye okanye unompilo wezilwanyana xa ekrokrela ukuba kukho ukuqhambuka kwesi sifo. |
Logama kwenziwa onke loo matiletile okuhlaba umkhosi kufuneka ukuba kube kuthathwa amanyathelo okuthintela ukunwenwa kwesi sifo. Izandla, iimpahla, izithuthi (emavilini nasesiqwini) kwakunye nezinto zokusebenza, kufuneka zicocwe cokisekileyo ngesibulala-zintsholongwane, kunjalo nje kufuneka zonke iinkuku neenciniba zikhawuleze zithintelwe ekubeni zizulele ngaphandle kwamasango. Ezifileyo kufuneka zingatshatyalaliswa engekaziboni ugqirha wezilwanyana, khona ukuze akwazi ukufumana ithuba lokuba azixilonge, njengoko kusenokwenzeka ukuba afune ukuthatha indawo ethile apha kulo mzimba ufileyo aye kuyisebenzisa njengesampulu yokuqinisekisa uxilongo olo athe walenza.
DH de Lange
ELSENBURG / GEORGE / Icandelo Lokunyanga Izilwanyana
