home about contact us news
Inligtingstukke   |   Elsenburg infopaks   |   Meganisasie: 2

Boogsweis Engels | Xhosa

Kliek om te vergroot!		 Boogsweiswerk is die proses waar metale gelas word met behulp van ’n elektriese boogvlam tussen die metaal wat gelas moet word of moedermetaal, en ’n bruikbare smeltpoeier wat die vuller-draaddek of elektrode genoem word. Die hitte van die boogvlam smelt die moedermetaal en die elektrode. Die mengsel is na afkoeling ’n aaneengeslote soliede massa.

Kliek om te vergroot!		 Voordat gesweis kan word, is ’n geskikte kragbron nodig. Twee tipes elektriese sweismasjiene is beskikbaar, naamlik gelykstroom en wisselstroom.

Kliek om te vergroot!		 Wisselstroom sweismasjiene is gewoonlik van die transformator-tipe, terwyl die gelykstroom masjiene van die generator-tipe is.

Om te kan sweis moet:

  • Die masjien aan ’n geskikte kragbron gekoppel word.
  • Die sweiskabel moet aan die verbindingspunt, wat as "elektrode" gemerk is, gekoppel word.

Kliek om te vergroot!
  • Die aardkabel moet aan die verbindingspunt, wat as "werk" gemerk is, gekoppel word.

ONTHOU: Waar die verbindingspunte nie gemerk is nie, kan enige verbinding vir "werk" of "elektrode" gebruik word.

Kliek om te vergroot!		 Kom ons kyk na die sweistegniek. Vir suksesvolle sweiswerk let op die volgende:
  • ’n regte elektrode
  • ’n regte dikte elektrode
  • ’n regte sweisstroom
  • ’n regte boogvlam- lengte
  • die regte hoek wat die elektrode met die werk maak

Kliek om te vergroot!
  • die regte spoed - moet nooit die elektrode oor die werk trek nie of die elektrode oplig nie
  • die werk wat gesweis moet word, moet reg voorberei word.

Kliek om te vergroot!		 Vervolgens kyk ons na die sweisstroom. Met ’n te lae stroom is dit moeilik om die korrekte boogvlam te verkry en so te behou, want die elektrodes kleef aan die werk vas, indringing is swak en gee ’n ronde sweislaag. ’n Te hoë stroom veroorsaak oorverhitting van die elektrode, die wegbrand van die moedermetaal of die deurbrand van die moedermetaal en die oormatige spat van gesmelte metaaldruppels.

’n Normale stroom vir ’n gegewe werk is die maksimum wat gebruik kan word sonder om die moedermetaal deur te brand, of die elektrode te laat oorverhit, of ’n rowwe, gespatte oppervlakte oor te hou.

Die algemeen aanbevole stroomsterktes is ’n 3.25 mm (no. 10) elektrode met ’n stroomsterkte van 80 - 135 ampere.

Kliek om te vergroot!		 Die boogvlam lengte word verkry deur die elektrode liggies oor die werk te skraap. Die regte lengte van die boogvlam is die kortste lengte wat ’n goeie oppervlakte aan die sweislas gee. ’n Boogvlam wat te lank is, verminder indringing, veroorsaak spat en veroorsaak ’n growwe oppervlakte by die sweislas. ’n Boogvlam wat te kort is, veroorsaak die vassit van die elektrode en growwe neerslae.

Vir afdraendsweis word ’n boogvlam- lengte verkies wat nie groter as die deursnit van die sweisdraad is nie. ’n Oorhoofse sweis benodig ’n kort boogvlam, sodat die minimum hoeveelheid metaal verlore gaan.

Kliek om te vergroot!		 ’n Elektrode hoek van 40°-45° word aanbeveel om ’n gladde, egalige oordrag van metaal te verseker.

Kliek om te vergroot!		 Laastens is dit belangrik dat die werk / metaal deeglik vir sweiswerk voorberei moet word.

WD Simpson
ELSENBURG / Opleiding