home about contact us news
Inligtingstukke   |   Elsenburg infopaks   |   Meganisasie: 1

Veilige toediening van gifstowwe Engels | Xhosa

Kliek om te vergroot!		 Gifstowwe wat op plante en bome gespuit word, kan gevaarlik wees vir mens se gesondheid.

Gifstowwe is nodig om die oes te beskerm teen plae. Sonder gifstowwe kan ons nie al die mense voed nie.

As jy versigtig werk met spuitmiddels, kan jy jou eie veiligheid verbeter en jou gesondheid beskerm.

Nou wat kan jy as spuitwerker doen om jouself te beskerm?

Hier is ’n paar wenke oor veilige spuit:

Kliek om te vergroot!		 Wat moet jy dra voor jy gaan spuit?
  • Dra altyd ’n oorpak en moet dit nooit uittrek nie, al is dit warm.
  • Dra ’n aparte oorpak net vir spuit.
  • ’n Ligter kleur oorpak is koeler en jy kan dit uitken van jou ander werksklere.
  • Dra ’n reënpak as die wind waai of as jy nat word terwyl jy spuit. Vra die voorman of bestuurder of ’n reënpak nodig is vir die soort gif wat jy spuit.
  • Dra altyd ’n wasbare hoed met ’n breë rand om te keer dat die gif op jou kop en gesig val.

Kliek om te vergroot!		 Wat moet jy doen terwyl jy spuit?
  • Moenie rook of eet terwyl jy spuit nie.
  • Bêre rook- en eetgoed op ’n veilige plek weg van die gif in ’n plastiese sakkie.

Kliek om te vergroot!
  • Was eers jou hande en gesig met water en seep voor jy rook of eet.
  • As die spuitmiddel jou vel brand, was dit af met water en seep.

Kliek om te vergroot!		 Wat moet jy doen as jy klaar gespuit het?
  • As jy klaar gespuit het, trek dadelik jou oorpak uit.
  • Was jou hele lyf en hare met water en seep.
  • Was jou oorpak met water en seep en spoel dit goed uit.
  • Warm water haal meer gif uit as koue water.
  • Was jou oorpak APART van die ander wasgoed, sodat die gif nie in die ander klere trek nie.
  • Probeer om elke dag met ’n skoon oorpak te spuit.

J Barnes
ELSENBURG / TYGERBERG mediese skool