home about contact us news
Information sheets   |   Elsenburg infopaks   |   Izilwanyana, imphatho: 2

Ukuzala kwemfuyo emfutshane Afrikaans | English

Click to enlarge!		 Ukuzala okanye ukwanda kwezilwanyana yenye yempawu ezibaluleke kakhulu ekwalathiseni ukuba ifama yeegusha okanye yebhokhwe iyayenza imali.

Nanga amacebo aphilisayo okuqinisekisa ukuba imfuyo iyazala:

Masiqale sijonge inkunzi:

  • Qiniseka ukuba iinkunzi ziyakwazi ukukhwela iimazi zibe namasende aphilileyo nentonga evukayo, zibe namanqina omeleleyo aphilileyo.
  • Iinkunzi mazihlolwe ukuba zinayo imbewu, azingomadlolo. Ukuba iinkunzi zimbalwa kubaluleke ngaphezulu ukuba zixilongwe ukuba azingawo amadlolo.
  • Iinkunzi kufuneka zikwazi ukukhwela iimazi ingawi sele ingaphezulu okanye iyeke imazi ibaleke sele iyibambile.
  • Sebenzisa iinkunzi ezincinci emazini ezindala usebenzise iinkunzi ezindala kwiimazi ezincinci ukwenzela ukuba izilwanyana zikwazi ukukhwela ngempumelelo.
  • Sebenzisa inkunzi ibenye kwimazi ezingamashumi amathathu ukuya kwezingamashumi amahlanu. Xa iinkampu zakho zinkulu kuzakufuneka iinkunzi ezininzi kanti xa iinkampu ziincinci noko inani leenkunzi lingehla.
  • Ngexesha lokukhwela kufuneka iinkunzi zibe sempilweni entle. Khumbula ukuba iinkunzi zinamaxesha wokungazali ngamathuba okugula njenga xa zinobushushu bomkhuhlane. Inaliti yokukhusela isifo iblue tongue, iyayenza inkunzi iphelelwe ngamaqanda okwethutyana.

Click to enlarge!
  • Sukusebenzisa iinkunzi ezindala. Obona budala benkunzi ekhwela iimazi yiminyaka esixhenxhe ukuya kwesibhozo ingadluli apho. Iinkunzi ezindala azisakwazi ukuhamba imigama emide emva kweemazi zinamazinyo amadala, azityi ingca kakuhle into elandelayo ziyanqina.
  • Inkunzi ngexesha lokukhwela iimazi kufuneka imeko yayo yempilo ibe kwisimo esihle ukwenzela ukuba xa ikhwele imazi kuvele iziqhamo ezihle. Iinkunzi mazingatyebi kakhulu. Iinkunzi ezityebe kakhulu ziyonqena ukukhwela iimazi.
  • Ukuba inkunzi izakuhamba imigama emide ukuya ezimazini ma yithengwe lisekude ixesha lokukhwela izokukwazi ukuziqhelanisa nendawo le izakuhlala kuyo. Lumka xa uthenga iinkunzi ezintsha, ezithengwe ngemali ezinkulu ukuba ungazifaki emadlelweni anezityalo eziyityhefu.

Click to enlarge!		 Nanga amacebo aphilileyo malunga neemazi:
  • Qiniseka ukuba imazi ikulungele ukudibana nenkunzi. Ibele lemazi kufuneka liphile libenemibele ephilileyo. Endaweni enamakhalane amaninzi kufuneka amabele eemazi ahlolwe rhoqo. Iimazi ezinamabele aqinileyo ngenxa yokuba yakhe yasulelwa ngesifo se blue udder, neemazi ezinemibele emikhulu ngapha kwesiqhelo kufuneka zikhutshwe emhlambini zisiwe emarikeni.

Click to enlarge!
  • Iimazi mazingagcinwa zide zibendala. Iimazi ezizele kahlanu okanye kathandathu ngamanye amazwi iimazi ezikubudala obu phakathi kweminyaka esixhenxhe ukuya kwesibhozo kufuneka iye emarikeni. Iimazi ezindala nqwa njengenkunzi ezindala zigugelwa ngamazinyo zingakwazi ukuhamba zisitya zibhitye zingabinangeniso. Iimazi akufuneki zibhitye kakhulu okanye zityebe kakhulu. Iimazi eziphantsi esikalini azingeni kweliya xesha lokudumba zifune ukudibana nenkunzi.

Click to enlarge!
  • Ixesha lokukhwela akufuneki lidlule kwiiveki ezintandathu ngoba loonto ithetha ukuba ngamathuba amabini okudumbela inkunzi kungekho nto yenzekayo. Enye into xa ixesha lokukhwela lilide imisebenzi yesiqhelo efama enje ngokudipha, ukuenta, nokuseza amayeza, ayiqhubeki kakuhle iyaphazamiseka.
  • Ngelixesha izilwanyana zikwiveki ezintathu zokuqala zokumitha akufuneki zilambe, akufuneki zibalekiswe imigama emide, akufuneki zichetywe okanye lanto ibisele imilile emzimbeni ibuyela emzimbeni, ngendlela yokuphunza edala ukuba into esesibelekweni ingaphumeli ngaphandle ibuyele emzimbeni.
  • Ukutya okwaneleyo kwezaveki zintandathu ukuya,kwezisibhozo zokumitha kubaluleke kakhulu ukwenzela ukuba kuzokuvela amatakane aphile qete angazukufa lula.

Click to enlarge!		 Oko kugqibela masijonge ixesha lokuzala.
  • Amatakane egqiba nje ukuzalwa kufuneka aqalise ukuncanca afumane umthubi ukwenzela ukuba azokufumana ukomelela kwe ndalo, kwaphinda azokuba nento eseswini ewondlayo.
  • Iimeko ezingantlanga njengemvula nomoya zingadala ilahleko enkulu. Ukuba indlela ikhona kufuneka kwenziwe indawo esithileyo. Iilahleko yamatakane yingxaki ebetha amafama kumzantsi jikelele ekwicala lokuveliswa kwemfuyo. Umfama impatho yakhe efama kufuneka injongo zakhe ngamaxesha onke zibe zezokuba makungabikho matakane afayo.
  • Qaphela ukuba iimazi ezinamatakane zinganqini.Imazi mayihlise ubisi olwaneleyo ngamaxesha onke. Xa imazi ihlisa ubisi oluninzi itakane layo liyakhawuleza ukukhula liyakhawuleza ukulunyulwa, lisuswe kunina. Imazi ifumana ithuba lokubuyisa umzimba njengokuba ibigqiba ukuzala.Imazi eye yalahlekelwa yimpilo ngexesha lokuzala ithatha nzima xa kuphinde kwafika ixesha lokudibana kwazo neenkunzi.

TS  Brand
ELSENBURG / Iziko Lophando Nzulu