Home: INFORMATION PACKS
Mastitis
Also available in English | Xhosa
Mastitis of inflammasie van die melkklier van beeste, kom algemeen voor in die Wes-Kaap gebiede. Melkboere sal die simptome van mastitis herken aan die volgende:
- melk is waterig of dit kan slym, etter of selfs bloed bevat
- die uier is geswel, dit is hard, warm en pynlik
- die koei het geen eetlus nie en het ’n koors.
Mastitis word veroorsaak deur ’n nat klimaat, saagsels wat met mis besoedel is, vuil water tydens melking en ook deur besmette koeie wat weer ander siek maak.
Die belangrike vraag is hoe om so ’n koei te behandel. Eerstens moet die regte medisyne in die uier ingespuit word. Dan kan die uier ook saggies gevryf word en twee of drie keer per dag uitgemelk word. Die melk moet nooit gebruik word nie maar dit moet begrawe word.
Boere vra dikwels of die siekte met sukses beheer kan word. Die antwoord is natuurlik "JA" maar dan moet julle as melkboere die volgende doen!
- Knip lang hare op die koei se spene en was vuil spene.
- Kyk of die melk absoluut skoon is.
- Moet nie met vuil of seer hande aan ’n koei se spene vat nie.
- Siek koeie moet nie saam met gesondes loop en ook nie saam gemelk word nie.
G Brand
ELSENBURG Veterinary Services
